一個人去飲茶

又係一個阿媽去後要克復的題目: 去茶樓飲早/下午茶.

呢幾年每逢自已休息的必定節目--陪父母去飲茶,一直以來同老豆飲茶都冇乜好傾,因為我和老豆都是大悶蛋,甚麼也是收收埋埋唔出聲,但和阿媽就不同了,真的甚麼也可以說,自己有乜冤屈不開心,講是非講政治都得,由於來來去去都係同一檔茶樓,茶樓夥記也熟悉我們三人,也是這個原因雖然老豆先行,卻從來沒有影響我和阿媽飲茶的心情.然而自阿媽出事後,自己就沒再上茶樓直至今天,因為好怕茶樓夥記問阿媽點時自己又會崩潰,直至今朝上香俾阿媽時忽然想到他們都是阿媽的朋友,點都要知會一聲,況且冇理由刻薄自己,所以今天終於出發大吃一頓,在茶樓內每位夥記都有安慰我,而且他們面對熟客過身的情景一定比我多,所以一定比我泠靜,只不過短期內(都唔知有幾短?)上茶樓飲茶就變了我老豆咁:一個人粒聲唔出飲茶食o野睇報紙,十足阿伯咁.