2009 乜乜物物 - 金句

最hit金句就一定係「人生有幾多個十年」,
不過劇中三奶奶的遺言對阿媽上天的我來說印象更深「蘇蝦冇老人家錫好慘」.

「我唔會空肚食早餐」
雖然金句王黎明的金句多是無厘頭,而呢句更成嘲笑對象,但係我一D也不覺有問題,只係D人不清楚,正是空肚關係,老人家教落食早餐前的五至十分鐘,務必喝一杯温水否則會影響腸胃.

觀音兵定損友

雖然知黃世澤個名都好耐,但我從未閱讀過他的文章及評論,只知互聯網上對佢評價都幾差.
如不是繆美詩在AM730關于東亞運足球决賽的文章中得罪了大多數球迷,我也不會看到下列文章,

http://martinoei.wordpress.com/2009/12/17/football-hooliganism/

如佢睇返30年前的12月31日,即佢一嵗時世界盃外圍賽香港vs中國賽後發生的騷亂時,今時香港球迷的表現已經文明了很多,好在當年小弟2個哥哥在散場時察覺唔對路,拉著我狂奔見巴士就上車,否則我第一次入場睇波可能就在差舘或醫院過元旦了.

http://martinoei.wordpress.com/2009/12/17/足球流氓論之自我證明/

呢段更搞笑,佢引用的例子在任何討論區任何題目都會有o既回覆,居然就話等於足球流氓論之自我證明,唔怪得佢做商台的晴朗時,收聽率咁低,咁我都可以話鄭大班自領匯事件後始終起唔返係因為請了佢.

見繆美詩好像和此人甚為要好,怪不得自佢去領匯後的負面消息不斷,不知這是近朱者赤,近墨者黑,還是臭味相投. 但我仍然欣賞2004年立法會點票時佢質問人肉錄音機時的表現.

人生無常,接班無人

估不到只離開香港四天,兩位娛樂圈前輩--陳鴻烈先生及鍾偉明先生--先後皆因心臟病發離開我們,讚揚他們貢獻的說話很多人已說過,但他們生前對工作的熱誠及自我增值力,我這類的中佬甚至下一輩又可以學到幾多?

年青時睇陳鴻烈先生做電視劇可能外型限製他的發揮,永遠只得一個款,直至早幾年的繾綣仙凡間才發揮出他的演技,而同事三分親及畢打自己人更使我們發現大閆生做喜劇是如此得心應手,帶給觀眾無限歡樂.

雖然我很少聽鍾偉明先生主持的節目,然而由他聲演的廣播劇確使劇情生色不少,特別是歷史劇,真的要他們這些資深播音人才可帶動整個故事,可嘆是80代中起出現的一代完全不能接到他們的班.有時想到有朝一日係森美小儀做聲演這些嚴肅的廣播劇時都驚驚.


時代雖不斷進步,但失去才想珍惜卻是萬年不變.

陳鴻烈先生及鍾偉明先生
R.I.P.

東施效顰到想嘔

唔該大台明抄都抄得有睇面D,
如果少女時代及fans睇完唔知點諗

網友精心剪輯比較版


少女時代(Girl Generation)原庄

Darna

如果你家中菲傭唔識Darna是誰,咁佢一定係冒牌貨.
Darna是菲律賓的漫畫女英雄,而演真人版的大多是當地很紅,影后甚至國寳級.
我知曉Darna源於wonderwoman,因為很多非菲人都認為佢是菲版wonderwoman,
但事實上佢比wonderwoman更早出現,而且冇樣相似,
當然如你興趣認識菲律賓漫畫,可進入此網:
http://www.comicbookmovie.com/fansites/darna/news/?a=17319

其實今次想講係菲律賓電視台正播緊Darna 2009版的劇集,一向以來菲律賓電視台都很愛拍這些Fantacy式劇集,雖然佢地的拍攝手法十年如一日,但在角色造型上卻很有心思,相反香港TVB一向都唔多想拍此類片種,反之ATV的疆屍系列已是香港的招牌作,我曾想過如TVB照抄(我好想ATV拍,可惜佢地太不爭氣),可以用廖碧兒/鍾嘉欣演Darna,而徐子珊乃奸角蛇女的不二之選,可惜本港專業投訴科+道德塔理班實在太霸度,現今風氣以下片段必被投訴賣弄色情及引起情緒不安,所以TVB所謂Fantacy由蔡少芬擔的飛女正傳...唉.

題外話:
菲律賓天文台曾把Darna報上成熱帶氣旋名稱,豈料Darna真係吹襲菲律賓,之後菲律賓天文台就拿拿臨把Darna取消.

始終都係維他奶

久違了的真正港產廣告歌,久違了的溫暖和諧,童年現在一般可愛.

柏木小雪

我諗很多都係因這角色而成酒井法子的粉絲,
的確地柏木小雪擁有全世界男子心中夢想老婆的所有優點:

1) 樣子甜美 2)入得廚房 3)出得廳堂 4)溫柔體貼 5)心地善良
6) 堅強不屈 7)持家有道 8)患難與共 9)獨立思考 10)甘心做男人背後的女人.....等等

所以到今日我都仲係找尋緊我心中的柏木小雪.

哈哈哈.

生活扎記(一)

沈殿霞同Michael Jackson有乜分別
前者死後電視台播得多紀念節目而被投訴,後者死後電視台播得少紀念節目而被投訴.
前者的由死至追悼會都被投訴為何出現在新聞報導,後者由死至追悼會觀眾寧願睇BBC同CNN.

去茶樓飲茶叫普洱滾水同叫淡普洱有乜分別
上到枱都係一壺墨汁普洱同一壺滾水.

TVB潘蔚林報打風同呢廿幾年記者在街外報打風有乜分別
在鞋、安全帽被吹走,MJ式45度傾斜向前行再加八字馬等一系列內地/台式手法後,香港觀衆才「驚覺」TVB記者好專業和報打風好危險,紛紛指責TVB,但對其它電視台的記者就好似冇呢種關心和擔憂了.

Michael Jackson

自已由細到大是歐美樂壇的低能兒(而家惡化到香港樂壇),
我第一首知道是MJ唱的歌是"Say Say Say",當時看MV還以為他是女性.
另外對他的舞藝留下深印象的也不是Thriller或Beat it,而是百事廣告.
認識Beat it更是因為Weird AI Yankovic惡搞版的Eat it.
至於最懵盛盛的是一直不知聽了多時的"One Day in Your Life"是他唱之餘更一直認為是女歌手唱.


我覺MJ的不詞而別,正正就是把他的光芒永久封存.

靑年人

http://www.youtube.com/watch?v=oLUIOotonF8

憑歌寄意,
以前,今日,未來的正生同學,
與你濶步前行,壯志凌雲

怪談?

早排睇怪談,有人phone-in話家中一年內死了四人,而最近我個部門內的白事真係多,兩個月內連埋我已有3個人的親人逝世,唔知怪談有冇興趣跟進o下呢.

尊稱代名詞

今日講一些代名詞:
1)o個個o野
呢個詞你可用來以後唔想再尊稱某些人.我某個阿哥用了來尊稱他阿媽,也即是我阿媽.
2)你個阿媽
呢個詞新袍可用來以後唔想再尊稱某些人.我某個阿嫂用了來尊稱她的奶奶,也即是我阿媽.

人去茶涼,媽剛入土就露原形,娘親不及金權親.怪不得阿媽都曾承認自己仔女冇家教.

阿媽,阿仔做不到你期望

阿媽今日出殯,本來家人已認定要做到同老豆一樣風光,而各兄姊也做到有過之而無不及,只係你呢個不肖子不單不達標,更是倒退,公司花圈--冇,同事拜祭--冇,而家至知我呢年幾內在工作間內的人際關係倒退到咁.

阿叔-林尚義

今天又一個香港ICON離開我門--林尚義先生,
雖然我是何氏兄弟擁躉,但阿叔的講波風格永遠都會留在香港人的集體回憶中.
願林尚義先生在另一世界與妻子逍遙自在,快樂永在.

嫲嫲呢?

對小朋友講親人仙遊是很得意的難題,多數人會講佢地去了一個好遠好遠的地方,早幾日在阿哥家中同侄仔侄女玩時,2歲的侄仔忽然發現阿叔不是和嫲嫲一齊來,就問眾人嫲嫲呢? 我咁樣答：「嫲嫲去了天堂陪爺爺,以後嫲嫲就只會在BB的夢中探BB喇.」侄仔似明又好似唔明,轉頭又去玩了,其實呢段話可嘗不是同自己講呢.

一個人去飲茶

又係一個阿媽去後要克復的題目: 去茶樓飲早/下午茶.

呢幾年每逢自已休息的必定節目--陪父母去飲茶,一直以來同老豆飲茶都冇乜好傾,因為我和老豆都是大悶蛋,甚麼也是收收埋埋唔出聲,但和阿媽就不同了,真的甚麼也可以說,自己有乜冤屈不開心,講是非講政治都得,由於來來去去都係同一檔茶樓,茶樓夥記也熟悉我們三人,也是這個原因雖然老豆先行,卻從來沒有影響我和阿媽飲茶的心情.然而自阿媽出事後,自己就沒再上茶樓直至今天,因為好怕茶樓夥記問阿媽點時自己又會崩潰,直至今朝上香俾阿媽時忽然想到他們都是阿媽的朋友,點都要知會一聲,況且冇理由刻薄自己,所以今天終於出發大吃一頓,在茶樓內每位夥記都有安慰我,而且他們面對熟客過身的情景一定比我多,所以一定比我泠靜,只不過短期內(都唔知有幾短?)上茶樓飲茶就變了我老豆咁:一個人粒聲唔出飲茶食o野睇報紙,十足阿伯咁.

一定要趁早

當醫生話阿媽中風仲係除時去得時,真係呆晒,但回想阿媽未入院時,已有大部份病症,連佢自己都懷疑可能中風.偏偏阿媽以前都偶有這些情況,所以做仔的我經常都不以為意,如果當時醒少少,唔理三七廿一,帶阿媽睇醫生並說出所有徵象,可能及早發現有得救,所以各位做子女的,真的要多些關心父母健康,因小病累積成大病時就乜都挽不回.

中風的徵狀 :

http://www.info.gov.hk/elderly/chinese/healthinfo/healthproblems/hstroke.htm

局部感覺麻木，例如一邊臉、單邊肢體或身軀

肢體無力，尤其是身軀單側、單肢

身體突然失去平衡能力

言語不清、流口水、吞嚥困難、嘴歪

視力範圍減小，或眼睛肌肉失調、出現重影

神志不清、昏迷

其他症狀：例如突發性的劇烈頭痛、持續的暈眩

一個人睡

本來首歌係一首情歌,但大部份歌詞確很切合阿媽過身後的心境.
以前阿媽成日話我上網上到三更半夜對身體唔好,通常一聽到呢句我便很識趣地關機關燈,其實係阿媽要等我去睡時她才可安心入睡,如今.........

[一個人睡] http://www.youtube.com/watch?v=6zE9Xyuu8Sg

詞/曲：黃凱芹 編：趙增熹 唱：劉德華
妳喜愛的花 不經不覺 盛開一半蓓蕾妳喜愛的椅 瑟縮一角 身邊一半失去寂寞夜晚 永相隨 我與影相對何時才可 再相聚 其實也許無須完全像已習慣一個人睡像已習慣一個人隱居像已習慣一個人憔悴一早經已慣了心碎誰料就算習慣一個人醉就算習慣一個人空虛就算習慣一個人垂淚我偏偏總不慣拋底過去